മൂവാറ്റുപുഴ: നഗരസഭാ എന്ജിനീയറിംഗ് വിഭാഗത്തിന്റെ കീഴില് ഫയലുകള് കുന്നുകൂടുന്നതിനെതിരേ പോസ്റ്റർ പ്രതിഷേധം. നഗരസഭാ കാര്യാലയത്തിന് മുന്നില് തിങ്കളാഴ്ച ഉച്ചയോടെയാണ് ‘ദയവുചെയ്ത് ആരും ഇങ്ങോട്ട് വരരുത് ഞങ്ങളെ കൊണ്ട് ആവില്ല എന്ജിനീയറിംഗ് വിഭാഗം’ എന്ന രീതിയില് നഗരസഭാ കാര്യാലയത്തിന് മുന്പില് പോസ്റ്റര് പ്രത്യക്ഷപ്പെട്ടത്. എന്ജിനീയറിംഗ് വിഭാഗത്തിന്റെ നിരുത്തരപരമായ സമീപനത്തിനെതിരേ നഗരസഭാംഗം അജി മുണ്ടാട്ടാണ് പ്രതിഷേധത്തിന്റെ ഭാഗമായി പോസ്റ്റര് പതിച്ചത്. ഫയലുകളില് നേരിടുന്ന കാലതാമസത്തിനെതിരേയാണ് പരസ്യ പ്രതിഷേധം നടത്തിയതെന്ന് നഗരസഭാംഗം അജി മുണ്ടാട്ട് പറഞ്ഞു.
600 ഓളം ഫയലുകള് നടപടി കാത്ത് നില്ക്കുമ്പോളാണ്. കഴിഞ്ഞ ഒരു മാസത്തിനു മുമ്പ് അസിസ്റ്റന്റ് എന്ജിനീയര് സ്ഥലം മാറി പോയതൊന്നും അതിനുശേഷം വന്ന അസിസ്റ്റന്റ് എന്ജിനീയര് ആഴ്ചയില് മൂന്ന് ദിവസം അവധിയിലാണെന്നും 700 ഓളം ഫയലുകള് നിലവില് കാലതാമസം നേരിടുന്നുണ്ടെന്നും അജി മുണ്ടാട്ട് പറഞ്ഞു. കൗണ്സിലര് പതിച്ച പോസ്റ്റര് മണിക്കൂറുകള്ക്കുള്ളില് കീറിയ നിലയിലുമാണ് പിന്നീട് കാണപ്പെട്ടത്.

